ABCT - atuagaq taallanik piumasaarsuutinik imalik kalaallisooq Julie Edel Hardenberg-imit, arlalitsigut nutaamik eqqarsarluni suliaavoq: Oqaasertai aatsaat saqqummerput, quianarlutik oqaatsinillu pinnguaatitut suliaallutik. Assiliartai immikkut illuinnartuupput, tassa oqqumiitsuliortut inuusuttut arfineq-pingasut upernaaq manna ulluni pingasuni pimoorullugu Katuami 'sullivimmi' assiliartat 29-t suliarimmatigit, tamarmik immikkut naqinnernut taallani atorneqartunut ataasiakkaanut tunngasut. Eqqumiitsuliortut taakku tassaapput: Bolatta Silis Høegh, Christian Rex, Inuk Silis Høegh, Jette Brandt, Julie Edel Hardenberg, Juno Berthelsen, Niels Motzfeldt kiisalu Nuka Godtfredsen. Atuakkap tunuani qallunaatuumut
nutseqqaagaqarpoq, kikkut tamarmik peqataasinnaaqqullugit. Aatsaat tassa juullimut tunissutissaq!
 
Julie Edel Hardenberg, Milik Publishing 2007, qupp. 66