Seqinnarilluni kiisami aasaqaaq, suna ajortussaq, soorlumi tassa ullut taamaattuaannarsimasut. Meeraanitta ullui aamma taamaassimapput.
Ukiulli perlui nalaattariaqarsimavagut, timikkut tarnikkullu. Pisinnaatitaanerpullu aallaavigalugu ingerlaqqittariqarpugut.
 
Qungujugit qungujunneqassaatillu. Ajunngitsuliornerit ajunngitsumik isumaqarneri tinguneqarnerilu qungujutamit allaat isumaqanngitsutut qaangiataarneqarsinnaasarput.
Taamaattoqartillugu eqqarsariarnerit pileraangata aatsaat inuit qanoq assigiinngitsumik perorsagaasimaneri erseqqqissisarput.
 
Inuuneruip pingaarnersaasa ilagaat inoqatinut qanilaartuuneq ataqqinninnerlu.
 
Ussernartut inuunerulu oqitsutut isigisap qaangiataariinnarluni qanoq atornissaa inuusunnerusunut eqqaamallaqqunaqaaq. Utoqqalilluni inuunerup kipiartornera eqqarsartitsisaqaaq.
 
Inuusuttuuguit perorsarsimassutsikkullu siulinniit aqqutissiuunneqarsimanngikkuit suli annerusumik inooqatigiinnermik ilinniagassaqarputit.
 
Isumaqarsimanngikkaluarpunga ilaqutariinni taamak atsigisumik kivitinneqarsinnaanngitsoq.
Taamaattoqarsinnaavorli.
 
Lisa Marie Christiansen, Forlag1.dk 2020