"KALAALLIT NUNAANIT MINERALIT 100-T" tassaapput allaaserisat tulleriiaartut "Ujaqqeritooq oqaluttuarpoq..."mik taasuuserlugit ukiut 2013-15 akornanni aviisimi Sermitsiami saqqummersinneqarsimasut katiterlugit atuaganngortinneqarneri.
Atuakkiortoq inuunini naallugu ujarassiornermik sammisaqarsimavoq ilaatigullu tusaamasaassutigaa mineralinut ilisarsiniutinik arlalinnik saqqummersitsisarsimanini kiisalu Kalaallit Nunaanni ukiuni arlalippassuarni ujarassiortarnerminut atatillugu ilisimasaminik misigisaminillu allaaserisaqartarnini.
Aatsaat siullermeersumik mineralit naliginnaasut qaqutigoortullu kalaallisut qallunaatullu katiterlugit saqummersitsineqarpoq, taamaattumillu mineralinik soqutigisaqartunut amerliartuinnartunut iluaqutaasussamik najoqqutassiissuulluni.
Bjarne Ljungdahl, Forlag Panigiit 2016, qupp. 221